O NADAL XA ESTÁ AQUÍ

O NADAL CHEGOU AO COLE E CON EL AS AULAS ENCHÉRONSE DE ILUSIÓN E SENTIMENTOS. AQUÍ VOS DEIXAMOS ALGUNHAS IMAXES SOBRE ACTIVIDADES RELACIONADAS CON ESTA ÉPOCA DO ANO E APROVEITAMOS PARA DESEXARVOS UN BO NADAL A TODOS E A TODAS!

 

ACTIVIDADES SOBRE O CORPO HUMANO

O CORPO HUMANO É O TEMA CO QUE ESTAMOS A TRABALLAR ESTES DÍAS NA AULA. EN CONCRETO, ESTAMOS DESCUBRINDO MOITAS COUSAS SOBRE COMO É O NOSO CORPO POR DENTRO: O ESQUELETO E OS SEUS ÓSOS, ASÍ COMO OS PULMÓNS, O CORAZÓN, O CEREBRO E ALGUNHAS DAS FUNCIÓNS DESTES ÓRGANOS VITAIS.

 

 

POR EXEMPLO, UNHA DAS ACTIVIDADES FOI TRAZAR CON ROTULADOR AS NOSAS VEAS E ARTERIAS POLO CORPO. GRAZAS A ELAS, O SANGUE PASA POR TODAS AS PARTES DO NOSO CORPO.

TAMÉN MONTAMOS OS NOSOS PROPIOS ESQUELETOS DE PAPEL, PARA O QUE TIVEMOS QUE RECORTAR COAS TIXEIRAS PEQUENAS TIRAS.

 

 

E TAMÉN FIXEMOS EXPOSICIÓNS SOBRE O QUE SABEMOS SOBRE O NOSO CORPO!

POR OUTRO LADO, FOI MOI IMPORTANTE A NOSA VISITA Á BIBLIOTECA DO COLE. NELA CONSULTAMOS UNHA SERIE DE LIBROS QUE NOS AXUDARON A INVESTIGAR UN POUQUIÑO MÁIS SOBRE COMO SOMOS POR DENTRO.

 

PEPE, O NOSO ESQUELETO, NON QUIXO PERDER ESTE MOMENTO!

VÍDEOS SOBRE O CORPO HUMANO

MOI BOAS A TODOS E TODAS!

NA ENTRADA DE HOXE DEIXAMOS UNS VÍDEOS MOI INTERESANTES SOBRE O CORPO HUMANO. PORQUE NÓS... XA SABEMOS MOITO!

ÓSOS E MÚSCULOS, DE CAMALEÓN Y LAS NATURALES CIENCIAS.



PRINCIPAIS ÓRGANOS DO NOSO CORPO, DE CAMALEÓN Y LAS NATURALES CIENCIAS.

CANCIÓNS SOBRE O CORPO HUMANO

O CORPO HUMANO É A TEMÁTICA QUE ESTAMOS A TRABALLAR ESTES DÍAS NA AULA, E POR SUPOSTO, TAMÉN QUEREMOS COMPARTIR CON VÓS ALGUNHAS CANCIÓNS SOBRE ESTE TEMA.

COMEZAMOS CUNHA CANCIÓN MOI MOI MARCHOSA: LAS PARTES DEL CUERPO, DE ROCKALINGUA.

ACTIVIDADES SOBRE EDUCACIÓN VIARIA

COMO SABEDES, NO COLE ESTIVEMOS TRABALLANDO A EDUCACIÓN VIARIA: ALGÚNS SINAIS DE TRÁFICO E AS SÚAS FORMAS, AS CORES DOS SEMÁFOROS, A IMPORTANCIA DOS PASOS DE PEÓNS, ENTRE OUTROS ASPECTOS.

 

AQUÍ VOS DEIXAMOS UNHA PEQUENA MOSTRA DALGUNHAS ACTIVIDADES REALIZADAS NA AULA CON ESTA TEMÁTICA.

TRABALLAMOS OS NÚMEROS E AS CANTIDADES COS LÍMITES DE VELOCIDADE. 

 

 

TRABALLAMOS AS FORMAS XEOMÉTRICAS COAS NOSAS PULSEIRAS DE SINAIS.

 

 

 

 

DEBUXAMOS RÚAS CON SINAIS, PASOS DE PEÓNS...



  

 

MESMO FIXEMOS OS NOSOS PROPIOS CARNÉS DE CONDUCIR, POIS XA SOMOS UNS EXPERTOS NO TEMA!



CANCIÓNS SOBRE EDUCACIÓN VIARIA

NESTA ENTRADA ACHEGÁMONOS A DÚAS DAS CANCIÓNS QUE MÁIS NOS GUSTARON RELACIONADAS COA EDUCACIÓN VIARIA. CON ELAS APRENDEMOS O IMPORTANTE QUE RESULTA CRUZAR POLOS PASOS DE PEÓNS, ATENDER ÁS LUCES DOS SEMÁFOROS E... MESMO APRENDEMOS O SIGNIFICADO DALGÚNS SINAIS DE TRÁFICO QUE APARECEN NOS VÍDEOS!



NÓS IMOS CRUZAR, DE MAMÁ CABRA.

ROJO NOS PARAMOS, VERDE CIRCULAMOS, DE HAPPY LEARNING.

ESPERAMOS QUE VOS GUSTEN TANTO COMO NOS GUSTAN A NÓS.

UN SAÚDO!



XOGANDO COAS VOGAIS

MOI BOAS A TODOS E TODAS!

NESTA ENTRADA DEIXÁMOSVOS ALGUNHAS FOTOS SOBRE UNHA DAS NOSAS ACTIVIDADES FAVORITAS COAS VOGAIS: CAZANDO VOGAIS.

DESTE XEITO ESTAMOS REFLEXIONANDO SOBRE OS SONS DE CADA UNHA DESTAS LETRAS, PENSAMOS PALABRAS QUE COMEZAN POR CADA VOGAL, RECOÑECEMOS AQUELAS QUE TEÑEN OS NOSOS NOMES...

UN XOGO CHEO DE APRENDIZAXES!

CANCIÓNS DAS VOGAIS (A E I O U)

AQUÍ VOS DEIXAMOS AS NOSAS CANCIÓNS FAVORITAS SOBRE AS VOGAIS. SON MOI MARCHOSAS E SINXELAS!

 DON TOMATE Y LAS VOCALES, DE ISIMISIMAGI.CO

 

RONDA DE LAS VOCALES, DE CANTICUENTOS.

 

 

CELEBRAMOS O SAMAÍN

COA CHEGADA DO SAMAÍN, A NOSA AULA ENCHEUSE DE CABAZAS TERRORÍFICAS, BRUXAS, ESQUELETOS E OUTROS PERSONAXES CARACTERÍSTICOS DESTA CELEBRACIÓN.

TAMÉN REALIZAMOS DIVERSAS ACTIVIDADES CON ESTA TEMÁTICA, E O ÚLTIMO DÍA VIÑEMOS ASÍ DE ELEGANTES DISFRAZADOS!

ANIVERSARIOS DO MES DE OUTUBRO

AQUÍ VOS DEIXAMOS AS FOTOS DOS ANIVERSARIOS DO MES DE OUTUBRO. OS NOSOS PEQUES FANSE MAIORES RODEADOS DOS SEUS AMIGOS!

PAULA TROUXO UN BISCOITO DE CHOCOLATE QUE TIVO UN ÉXITO ENORME ENTRE OS NENOS E NENAS. ESTABA RIQUÍSIMO!

 

 

 
COMO FOI A PROTAGONISTA DESE DÍA, ESCRIBIMOS O SEU NOME NO ENCERADO.

 

ESTE MES TAMÉN FOI O CUMPREANOS DE ÁFRICA E DE JAVIER. COMO OS DÍAS DOS SEUS CUMPLES NON VIÑERON AO COLE, CANTÁMOSLLE O CUMPREANOS FELIZ CANDO VOLVERON DESPOIS DESES DÍAS ENFERMOS. E, POR SUPOSTO, TAMÉN ESCRIBIMOS OS SEUS NOMES NO ENCERADO.

PARABÉNS A TODOS!

 

 

ACTIVIDADES SOBRE O OUTONO

O OUTONO CHEGOU E NA AULA APROVEITAMOS ESTES DÍAS PARA COÑECER UN POUQUIÑO MÁIS AS CARACTERÍSTICAS DESTA ESTACIÓN E OS CAMBIOS QUE ESTA PRODUCE NA NATUREZA E NAS NOSAS VIDAS. ADEMAIS, TAMÉN ESTIVEMOS MOI ATENTOS E OBSERVAMOS QUE A ALGUNHAS ÁRBORES CÁENLLES AS FOLLAS NESTA ESTACIÓN (ÁRBORES DE FOLLA CADUCA), MENTRES QUE OUTRAS ÁRBORES TEÑEN FOLLAS DURANTE TODO O ANO (ÁRBORES DE FOLLA PERENNE).

ENTRE AS ACTIVIDADES QUE REALIZAMOS, PODEMOS DESTACAR DIVERSAS MANUALIDADES COAS QUE DECORAMOS A CLASE: PINTAMOS CON POMPÓNS E PINTURAS, DECORAMOS CON PURPURINA...

MOITOS NENOS E NENAS APORTARON DIVERSAS FOLLAS E FROITOS TÍPICOS DESTA ESTACIÓN, E TODOS ELES REUNÍMOLOS NO NOSO RECUNCHO DA NATUREZA. GEMA, ADEMÁIS, ENSINOUNOS UN LIBRO DE FOLLAS QUE FIXO NA CASA CON AXUDA DE PAPÁ E MAMÁ. QUEDOU MOI BONITO!

AQUÍ ABAIXO, PINCHANDO NA IMAXE, PODEREDES ACCEDER A UN XOGO NO QUE PODEREDES CREAR DIVERTIDAS CARAS CON ELEMENTOS DO ENTORNO. UN SAÚDO!



BENVIDOS AO NOSO BLOG!

QUERIDAS FAMILIAS:
COMEZA ESTA NOVA AVENTURA COA QUE ESPERAMOS COMPARTIR CON TODOS VÓS ALGUNHAS DAS ACTIVIDADES REALIZADAS NA AULA, IMAXES DOS ANIVERSARIOS E OUTRAS CELEBRACIÓNS, ASÍ COMO ALGÚNS DOS VÍDEOS MUSICAIS COS QUE CANTAMOS NA AULA.